മാധ്യമങ്ങള്‍ എന്തെങ്കിലും അടിച്ചേല്പിക്കാല്‍ ശ്രമിക്കേണ്ട: ഉമ്മന്‍ചാണ്ടി

തിരുവനന്തപുരം: സോളാര്‍ കേസുമായി ബന്ധപ്പെട്ട് മാധ്യമങ്ങള്‍ എന്തെങ്കിലും അടിച്ചേല്‍പ്പിക്കാന്‍ ശ്രമിക്കേണ്ടെന്ന് മുഖ്യമന്ത്രി ഉമ്മന്‍ ചാണ്ടി. ഹൈക്കോടതി നടത്തിയ പരാമര്‍ശങ്ങളുടെ പേരില്‍ എന്തെങ്കിലും അടിച്ചേല്പിക്കാന്‍ ശ്രമിക്കേണ്ട. കോടതി എന്താണ് പറഞ്ഞതെന്ന് പഠിച്ചിട്ട് ചോദ്യം ചോദിക്കൂ എന്നും മുഖ്യമന്ത്രി മാധ്യമപ്രവര്‍ത്തകരോട് പറഞ്ഞു

കോടതി എനിക്ക് ബഹുമാനമാണ്. നിരീക്ഷണങ്ങളും വിധികളും അനുകൂലമാണെങ്കിലും പ്രതികൂലമാണെങ്കിലും കോടതിയെ ബഹുമാനിക്കുന്നു എന്നും ഉമ്മന്‍ചാണ്ടി പറഞ്ഞു. കോടതിയുടെ പരാമര്‍ശങ്ങള്‍ സംബന്ധിച്ച് ബന്ധപ്പെട്ട് അഡ്വക്കേറ്റ് ജനറലും പ്രോസിക്യൂഷന്‍ ഡയറക്ടര്‍ ജനറലുമായി ചര്‍ച്ച നടത്തി. കോടതി പറഞ്ഞത് എന്താണെന്ന് പരിശോധിച്ചിട്ടുണ്ടെന്നും മുഖ്യമന്ത്രി പറഞ്ഞു.