താനും മാറി നില്‍ക്കാമെന്ന് ഉമ്മന്‍ചാണ്ടി

ന്യൂഡല്‍ഹി: ആരോപണം നേരിടുന്നവരും നാലില്‍ കൂടുതല്‍ തവണ മത്സരിച്ചവരും തിരഞ്ഞെടുപ്പില്‍ മാറി നില്‍ക്കണമെങ്കില്‍ തന്നെയും ഒഴിവാക്കണമെന്ന് ഉമ്മന്‍ചാണ്ടി. കെപിസിസി പ്രസിഡന്റ് വി എം സുധീരനെതിരെ കടുത്ത നിലപാട് ഉമ്മന്‍ചാണ്ടി സ്വീകരിച്ചതോടെ കോണ്‍ഗ്രസിന്റെ സ്ഥാനാര്‍ഥി നിര്‍ണയം വീണ്ടും പ്രതിസന്ധിയിലായി. കഴിഞ്ഞ ദിവസം സ്ക്രീനിങ് കമ്മിറ്റി യോഗത്തില്‍നിന്ന് ഉമ്മന്‍ചാണ്ടി ഇറങ്ങിപോന്നിരുന്നു.
സിറ്റിങ് എംഎല്‍എമാരെ മാറ്റാന്‍ നിരത്തുന്ന കാരണങ്ങള്‍ തനിക്കും ബാധകമാണ്. താനും നാലില്‍ കൂടുതല്‍ തവണ മത്സരിച്ചയാളാണ്. മന്ത്രിസഭയില്‍ ഏറ്റവും കൂടുതല്‍ ആരോപണം നേരിട്ടതും താനാണ്. അങ്ങനെയാണെങ്കില്‍ താനാണ് ആദ്യം മാറിനില്‍ക്കേണ്ടത് എന്നാണ് ഉമ്മന്‍ചാണ്ടി പറഞ്ഞത്. എഐസിസി വര്‍ക്കിങ് കമ്മിറ്റി അംഗം ഗുലാം നബിയുമായി ഉമ്മന്‍ചാണ്ടി ചര്‍ച്ച നടത്തി. തര്‍ക്കം രൂക്ഷമായതിനെ തുടര്‍ന്ന് വ്യാഴാഴ്ച നടത്തേണ്ടിയിരുന്ന സ്ക്രീനിങ് കമ്മിറ്റിയോഗം വെള്ളിയാഴ്ചത്തേക്ക് മാറ്റിവെച്ചു.

സുധീരനെതിരെ എ ഗ്രൂപ്പ് ഒറ്റക്കെട്ടായാണ് രംഗശത്തതിുയത്. കെ സി ജോസഫ്, കെ ബാബു, അടൂര്‍ പ്രകാശ് എന്നീ മന്ത്രിമാരെയും ബെന്നി ബെഹന്നാന്‍, എ ജി ജോര്‍ജ് എന്നിവരെ മാറ്റി നിര്‍ത്തണമെന്നാണ് സുധീരന്റെ ആവശ്യം.ഇവര്‍ക്ക് പകരം പുതിയ പേരുകളും സുധീരന്‍ മുന്നോട്ടുവെച്ചിരുന്നു.
നിലവില്‍ ധാരണയായ നാല് സീറ്റുകളില്‍ പ്രമുഖ സ്ഥാനാര്‍ത്ഥികള്‍ക്ക് പകരം  വി.എം സുധീരന്‍ പുതിയ ആളുകളെ നിര്‍ദ്ദേശിച്ചത് പ്രതിസന്ധി സൃഷ്ടിച്ച സാഹചര്യത്തിലാണ് കേരളത്തിലേക്ക് മടങ്ങാതെ ഡല്‍ഹിയില്‍ തുടരാന്‍ ഉമ്മന്‍ചാണ്ടി തീരുമാനിച്ചത്. സുധീരന്റെ നീക്കത്തെ ഉമ്മന്‍ ചാിയും രമേശ് ചെന്നിത്തലയും എതിര്‍ത്തിരുന്നു.

ബാബുവിന്റെയും ബെന്നിയുടെയും കാര്യത്തില്‍ സുധീരന്‍ നിലപാടില്‍ ഉറച്ചുനിന്നാല്‍ എ ഗ്രൂപ്പ് കടുത്ത തീരുമാനങ്ങളിലെത്തും. ഇന്നലെ രാത്രിയില്‍  എ– ഐ  ഗ്രൂപ്പ് നേതാക്കള്‍ യോഗം ചേര്‍ന്നിരുന്നു.  കൂടാതെ ഉമ്മന്‍ചാണ്ടിയും രമേശ് ചെന്നിത്തലയും രഹസ്യചര്‍ച്ചയും നടത്തി.

തൃപ്പൂണിത്തുറയില്‍  എന്‍ വേണുഗോപാലിന്റെ പേരാണ് സുധീരന്‍ മുന്നോട്ടുവച്ചത്. തൃക്കാക്കരയില്‍  മുന്‍ എംപി പി ടി തോമസ്, കോന്നിയില്‍ പി മോഹന്‍രാജ്, ഇരിക്കൂറില്‍  സതീശന്‍ പാച്ചേനി, പാറശാലയില്‍  നെയ്യാറ്റിന്‍കര സനല്‍, മരിയാപുരം ശ്രീകുമാര്‍ എന്നീ പേരുകളുള്ള പട്ടിക സുധീരന്‍ കൈമാറി. കൊച്ചിയില്‍ ഡൊമിനിക് പ്രസന്റേഷന്‍, കണ്ണൂരില്‍ അബ്ദുള്ളക്കുട്ടി എന്നീ പേരുകളില്‍ എതിര്‍പ്പുയര്‍ന്നു.

ബാര്‍ കോഴ, സോളാര്‍ അഴിമതി, വിവാദ ഭൂമിവിതരണം തുടങ്ങിയ വിഷയങ്ങള്‍ ഉയര്‍ത്തിയാണ് സുധീരന്‍ രംഗത്തുവന്നത്. കെ സി ജോസഫ്, എ ടി ജോര്‍ജ് എന്നിവര്‍ മണ്ഡലത്തില്‍ സ്വീകാര്യരല്ലെന്നും സുധീരന്‍ വാദിച്ചിട്ടുണ്ട്.

Read more: http://www.deshabhimani.com/index.php/news/kerala/news-kerala-30-03-2016/549888